دكتۆر عەلی قەرەداغی لە دۆحەی پایتەختی قەتەر بەشداری دەكات لە كۆڕبەندی (ئابوری بازنەیی لە روانگەی شەرعی و ئابوری و پراكتیكیەوە) :

دكتۆر عەلی قەرەداغی لە دۆحەی پایتەختی قەتەر بەشداری دەكات لە كۆڕبەندی (ئابوری بازنەیی لە روانگەی شەرعی و ئابوری و پراكتیكیەوە) :

دكتۆر عەلی قەرەداغی ئەمینداری گشتی یەكێتی جیهانی زانایانی مسوڵمان بەشداری كرد لە چالاكیەكانی كۆڕبەندی (ئابوری بازنەیی لە روانگەی شەرعی و ئابوری و پراكتیكیەوە) كە زانكۆی (حمد بن خلیفە) لە دۆحەی پایتەختی قەتەر سازی دابوو. لەگەڵا دكتۆر عەلی قەرەداغی دا، دكتۆر تاریق الله خان (مامۆستای تەمویلی ئیسلامی) لە كۆلێجی دیراساتی ئیسلامی، ئەندازیار (مشعل شمری) بەڕێوەبەری ئەنجوومەنی قەتەر بۆ رێگاو بانی سەوز و بەڕێز (عیرفان عەلی عرێش) گەورە ئابوریناس لە وەزارەتی ئابوری و بازرگانی و ئەندازیار (كارین ئیبەرلی) بەڕێوەبەری كۆمپانیای بۆلاجین (ل ل) بۆ راوێژكاری ژینگە و بەرەوپێشبردنی كارەكان .

دكتۆر عەلی قەرەداغی توێژینەوەیەكی پێشكەش كرد كە تیایدا باسی لە (ئابوری بازنەیی لەژێر سایەی ئابوری ئیسلامی – توێژینەوەیەكی فیقهی ئابوری ئامانجدار) توێژینەوەكە لە 17 پەڕە پێكهاتبوو كە كرابوو بە دوو بەشەوە، هەریەكەشیان كرابوو بە چەند خاڵێكیان.

لە بەشی یەكەمدا : باسی لە پێناسەی ئابوری بازنەیی چەمك و ئامانج و سودەكانی :

لە سەرەتاوە پێناسەیەكی ئابوری كرد لە رووی زمانەوانی و چەمكەوە، لە دیدێكی تیۆری زانستی فیكریەوە، كە تیایدا نموونەی بە چەند ئایەتێكی قورئان و فەرموودەی پیرۆز هێنایەوە، پاشان باسی لە ئابوری بازنەیی و مانا سەردەمیەكەی كرد و، مێژووی سەرهەڵدان و ئامانجەكان و چەمكە بەرفراوانەكەی كرد، لە دوایدا چەند ئیشكالاتێكی باس كرد لەوانەش، قەیرانی گێڕانەوەی پاشماوەكان بەتایبەتی لە وڵاتانی كەنداودا، توێژەر وڵاتانی كەنداو زۆر بە پێویست دەزانێت كە جارێكی تر هەستن بە بەكارهێنانەوەی پاشماوەكان، بۆ ئەم مەبەستە سەرژمێریەكی زانستی باسكرد كە لە رۆژنامەی (خلیج) لە كاتی بەستنی كۆنگرەی جیهانی حكومەتەكان لە دوبەی لە 1919 دا بڵاوبۆتەوە كە دەڵێت: ئەم وڵاتانەی كەنداو دەتوانن دەستكەوتی 138 ملیار دۆلاریان هەبێت ،ئەگەر پشت ببەستن بە نموونەی ئابوری بازنەیی، بەڵام لە هەمانكاتدا توێژەر هۆشداریدا لەوەی كە بەهۆی ئەم قەیرانەوە كۆمەڵێك كێشە و گرفتی ژینگەیی و تەندروستی و نەخۆشی دروست دەبن ئەگەر بێت و ئەم پاشماوانە چارەسەرێكیان بۆ نەدۆزرێتەوە.

ئەم سەرژمێریانە لە شێوەی نەخشە و ژمارەوە لە سەرەتای ساڵەكانی هەزارەی دووەم هەتا ساڵی 2025 كۆمەڵێك داتای خستەڕوو، توێژەر باسی لە كۆمەڵێك چارەسەر كرد كە لە ڕێگەیەوە دەتوانرێت كەڵكیان لێ‌ وەربگیرێت بۆ پشتیوانی كردنی ئابوری بازنەیی، ئەویش لە رێگەی كەڵك وەرگرتن لە كۆمپانیاكان و بەدیهێنانی سەركەوتنی باش و بەرهەمی چاك بۆ ئەم جۆرە لە ئابوری.

لە بەشی دووەمدا: باسی لە ئابوری بازنەیی كرد لەژێر سێبەری قورئان و فەرموودە و ئامانجەكان و بنەماكاندا:

وتی لێرەدا چەند راستیەك و بنەمایەكی قورئانی هەیە كە داوا دەكات پارێزگاری لە ژینگە و پاراستنی هاوسەنگی لە نێوان پێكهاتەكانی دا بكرێت، ئامانجی گەورەش لە ئابوری ئیسلامیدا بریتیە لە ئابوری هاوسەنگ ،پاشان جەختی لەوەش كردەوە كە دەقە شەرعیەكان جەخت لەسەر پاراستنی ئەو شتانە دەكەن كە هەن و بە فیڕۆ نەدرێن، پاشان باسی لە پەیوەندی نێوان چەنكی ئابوری بازنەیی و هێنانەدی بنەمای چاكسازی هەمەلایەنە و وەستانەوە بەڕووی گەندەڵی دا كرد، تیشكی خستە سەر بنەما سەرەكیەكانی چاكسازی و وەستانەوە بەڕووی گەندەڵی دا لەوانەش بنەمای باوەڕ و رەوشت، بنەمای فیكری و مرۆیی و زانستی، تێڕوانینی ئیجابی بۆ ژینگە، بنەمای سزا و پاداشت، رەهەندی بەرژەوەندی و سوود گەیاندن، واتە بەرژەوەندی هاوبەش یان مافی بەرامبەر.

هەروەها قەرەداغی لە توێژینەوەكەیدا بەشێوەیەكی پوخت باسی لەو دەقە شەرعیانە كرد كە بەڵگەن لەسەر پاراستنی ئەو كەرەستانەی كە هەن و بەفیڕۆنەدانیان و زیادەڕەوی نەكردن تیایاندا، پاشان باسی لە هەڵوێستی ئیسلام كرد دەربارەی دارایی، كە یەكێكە لە ئامانجە گەورەكانی شەریعەت و هاندانی شەریعەت بۆ بەخشین و بەكارهێنان، لەهەمانكاتدا رێگری كردنی لە زیادەڕۆیی و خەرجی نابەجێ‌.

لە كۆتایی دا باسی لە شەش خاڵا كرد لە چۆنیەتی ئابوری بازنەیی و گونجانی لەگەڵا فیكری ئابوری ئیسلامی، لەڕوویی ئاگاداربوون لە كۆمەڵگە و بەرژەوەندیەكانی.