لە بەیاننامەیەكدا یەكێتی جیهانی زانایانی مسوڵمان ئیدانەی لەسێدارەدانی گەنجانی میسر دەكات  :

لە بەیاننامەیەكدا یەكێتی جیهانی زانایانی مسوڵمان ئیدانەی لەسێدارەدانی گەنجانی میسر دەكات  :

الحمد لله، والصلاە والسلام علی رسول الله، واله وصحبه ومن والاه، وبعد ،،

یەكێتی جیهانی زانایانی مسوڵمان بەوپەری هەست كردن بە ناخۆشی و دڵتەنگیەوە هەواڵی لەسێدارەدانی نۆ گەنجی میسری بێتاوانی پێگەیشت ، دەسەڵاتدارانی میسر لەسێدارەدانی ئەم گەنجانەیانەی راگەیاند پاش ئەوەی كەبەزۆرو لەژێر ئەشكەنجەداو بەبەكارهێنانی تەزووی كارەبا ناچاریان كردبوون كەدانبنێن بە كوشتنی دادوەری گشتیدا، ئەمەشیان لەبەردەم دادگادا ئاشكرا كرد .

 پێش ئەمانیش دەسەڵاتدارانی میسر چەندان كەسی تریان لەسێدارەداوە، ئەمەش بەپێی لێدوانی رێكخراوە ماف پەروەرەكان، دەسەڵات دارانی میسر لەساڵی (2013) ەوە تاكو ئێستا بڕیاریانداوە بەلەسێدارەدانی 2532 كەس لەكێشەكانی تاوان و سیاسی ، لەوانەش فەرمانی لەسێدارەدان بەسەر 170 كەسدا جێبەجێ كراوە، ئەمساڵیش لە 2019دا بەشێوەیەكی ترسناك هاتونەتەوە سەر ئەم رێچكەیەو دەستیان كرد بەلەسێدارەدانی نۆ گەنجی تازە پێگەیشتووی میسر، لەرۆژی چوار شەممە 20-2-2019 لەپێش ئەمانیشدا شەش كەسی تر لەسێدارە دراون، بەمەش لەسێداەردانی سیاسی بۆتە رێگەیەك بۆ تۆڵەكردنەوە لەسەردەمی ئەم رژێمەی میسردا كەبەگەورەترین تاوان دەژمێردرێت لەمێژووی ئەم وڵاتەدا .

یەكێتی جیهانی زانایانی مسوڵمان جەخت لەوە دەكاتەوە كە رشتنی خوێنی كەسانی بێ تاوان و بەبێ هیچ مافێك لەگەورەترینی تاوانە گەورەكانە، وەك خوای گەورە دەفەرموێت (ۆمَن ێقْتُلْ مُۆْمِنًا مُّتَعَمِّدًا فَجَزَاۆُهُ جَهَنَّمُ خَالِدًا فِیهَا ۆغَضبَ اللَّهُ عَڵیْهِ ۆڵعَنَهُ ۆأَعَدَّ ڵهُ عَذابًا عَضیمًا”. [النسا‌ء: 93]  (مَن قَتَڵ نَفْسًا بِغَیْڕ نَفْسٍ أَوْ فَسَادٍ فِی الْأَرْض فَكَأَنَّمَا قَتَڵ النَّاسَ جَمِیعًا”. [المائدە: 32] .   (“ۆڵا تَقْتُلُوا النَّفْسَ الَّتِی حَرَّمَ اللَّهُ إِلَّا بِالْحَقِّ  ۆمَن قُتِڵ مَظلُومًا فَقَدْ جَعَلْنَا لِۆلِیِّهِ سُلْطانًا فَڵا یُسْڕف فِّی الْقَتْلِ  إِنَّهُ كَانَ مَنصُورًا”). (الإسرا‌ء: 33)

یەكێـتی جیهانی زانایانی مسوڵمان هۆشداری دەدات بەدامەزراوە ئاینیەكان، كە پشتیوانی كردنیان لەستەم و خوێن رێژی دەسەڵات لادان و كودەتایە بەسەر ئەو پەیامە پیرۆزەی كە هەڵیانگرتوەو بڵاوكردنەوەی پشێوی و ئاژاوەیە لەنێو مسوڵماناندا لەئاینەكەیاندا، بەم كارەشیان بەشدار دەبن لەرشتنی ئەو خوێنەو بەرپرسیار دەبن لەدەرچونی ئەو روحانە.

یەكێـی جیهانی زانایان هەڵوێستی ئەو دەستە ماف پەروەرە نێودەوڵەتیانەو ناوخۆییانە بەرز دەنرخێنێت كە دژی ئەم لەسێدارە دانانە وەستانەوە و ئیدانەیان كرد، وەك هەڵوێستی كۆمسیۆنی باڵای مافەكانی مرۆڤی سەر بەنەتەوە یەكگرتوەكان، رێكخراوی لێبوردنی نێودەوڵەتی و رێكخراوی هیومان رایتس ۆچ، كۆمەڵەی دادوەرانی تونس … هتد. ئەم هەڵوێستانە هەڵوێستی راستی و دادو پشتیوانیەك بوو بۆ مافەكانی مرۆڤ و پارێزگاری كردن لێیان .

(ۆڵا تَحْسَبَنَّ اللَّهَ غَافِلًا عَمَّا ێعْمَلُ الظالِمُونَ إِنَّمَا یُۆَخِّرُهُمْ لِێوْمٍ تَشْخَصُ فِیهِ الْأَبْصَارُ (42) ) [إبراهیم: 42] {ۆسَێعْڵمُ الَّذینَ ظڵمُوا أَیَّ مُنْقَڵبٍ ێنْقَلِبُونَ} (الشعرا‌ء: 227)

     دكتۆر عەلی قەرەداغی                       دكتۆر ئەحمەد ریسونی

         ئەمینداری گشتی                                سەرۆك