دكتۆر عەلی قەرەداغی: سەردانی پاپا بۆ ئیمارات وەك دەستخۆشیەك وایە بۆ پێشێل كردنی مافەكانی مرۆڤ و ستەمكاری :

دكتۆر عەلی قەرەداغی: سەردانی پاپا بۆ ئیمارات وەك دەستخۆشیەك وایە بۆ پێشێل كردنی مافەكانی مرۆڤ و ستەمكاری :

دكتۆر عەلی قەرەداغی ئەمینداری گشتی یەكێـی جیهانی زانایانی موسڵمان بەبۆنەی سەردانەكەی پاپا بۆ شاری ئەبوزەبی لێدوانێكی راگەیاند  كە دەڵێت :

ئێمە لەگەڵ سەردان و گفتوگۆ و بەیەكتر گەیشتنین لەگەڵ پاپاو غەیری ئەویشن لەدامەزراوە ئاینی و مەزهەبیەكانی بەڵام سەردانی پاپا بۆ دەوڵەتی ئیمارات لەم كاتەدا كە زیندانەكانی پڕن لەكەسانی ئازادی خوازو ئازادی كپ دەكرێت و جەنگێكی دەستدرێژیكارانەو نارەوای راگەیاندوە دژ بەئیرادەی گەلان و پشتیوانی لەكودەتا خوێنڕێژیەكانی دەكات و گەمارۆیەكی ستەمكارانەی خستۆتە سەر دەوڵەتێكی مسوڵمان كەبوەتە هۆی پچڕاندنی پەیوەندی خزمایەتی و ئازار گەیاندنی بەدۆستان.

ئەم سەردانە وەك دەستخۆشیەك وایە بۆ پێشێل كردنی مافەكانی مرۆڤ و ستەمكاری ئەویش لەپێناو بەرژەوەندی كەنیسەو ئەم سەردانە هەستیاری ئاینی زیاتر دەكات و خزمەت بەپێكەوە ژیانی ئاینەكان ناكات.

ئێمەش دەنگمان دەخەینە پاڵ رێكخراوەكانی مافپەروەران كە پاپا رووبكاتە دەسەڵاتدارانی ئیمارات و داوایان لێ بكات كە زیندانیەكان ئازاد بكات و كۆتایی بەشەڕە ماڵوێرانكەرەكان بهێنێت و ئاژاوە هەڵگیرسێندراوەكان بوەستێنێـت و دەست لەپشتیوانی كردنی دەسەڵاتە ستەمكارەكان و كودەتاچیە خوێناوییەكان هەڵبگرێت و گەمارۆی سەر قەتەر لاببات و دەست نەخاتە نێوكاروباری ناوخۆی ئەوگەلانەی كەخەبات بۆ ئازادی دەكەن .

قەرەداغی لەكۆتایی لێدوانەكەیدا دەڵێت ئیمارات بەپێچەوانەی ئەو دروشمەی كە هەڵیانگرتوە بۆ ساڵی 2019 مامەڵە دەكات كەناوی ناوە ساڵی لێبوردەیی ، چونكە هیچ لێبوردنێكی نیە لەگەڵ هاوڵاتیانی ناڕازی خۆی كەلەبیرورادا لەگەڵیان جیاوازەو دەیانخاتە زیندان و كە پەساپۆرتی لەهەندێكیان سەندۆتەوە.

هەروەها یەكێتی جیهانی زانایانی مسوڵمان پشتیوانی لەگفتۆگۆ و پێكەوە ژیانی ئاشتیانە دەكات لەنێوان باوەڕدارانی ئاینەكان بەگشتی، ئەویش لەئیسلامەوە سەرچاوەی گرتوە كەسۆزو بەزەییە بۆ هەموو جیهانیان.