دكتۆر عەلی قەرەداغی بەشداری دەكات لە یەكەم كۆڕبەندی زانستی، كە سەرۆكایەتی كاروباری ئاینی توركیا سازی كردبوو.

دكتۆر عەلی قەرەداغی بەشداری دەكات لە یەكەم كۆڕبەندی زانستی، كە سەرۆكایەتی كاروباری ئاینی توركیا سازی كردبوو.

دكتۆر عەلی قەرەداغی ئەمینداری گشتی یەكێتی جیهانی زانایانی مسوڵمان، بەشداری كرد لە یەكەم كۆڕبەندی زانستی كە سەرۆكایەتی كاروباری ئاینی لە توركیا و ئەنجوومەنی باڵای كاروباری ئاینی توركیا بە هاوكاری لەگەڵا یەكێتی جیهانی زانایانی مسوڵمان و ئەنجوومەنی ئەوروپی بۆ فەتواو توێژینەوە سازی كردبوو.

كۆڕبەندەكە دوو رۆژی خایاند، بە بەشداری هەریەك لە سەرۆكی كاروباری ئاینی (دكتۆر عەلی ئەرباش) و سەرۆكی ئەنجوومەنی باڵای كاروباری ئاینی (دكتۆر ئەكرەم كلش) و ژمارەیەك لە زانا و پسپۆڕی گەردوون ناسی، لە چەند كۆبوونەوەیەكدا ئەمینداری گشتی یەكێتی جیهانی زانایانی مسوڵمان، كە تیایدا راوسەرنجی خۆی دەربڕی، پاشان داوای كرد كە كۆنگرەیەكی نێودەوڵەتی بۆ رێكخستنی كاتەكان دابنرێت بەتایبەتی لە ئەوروپادا كە جیاوازیەكی زۆر دەبینرێت لە رۆژ ژمێرەكاندا.

دكتۆر قەرەداغی ئەوەی روون كردەوە كە یەكێتی جیهانی زانایان و سەرۆكایەتی كاروباری ئاینی توركیا و ئەنجوومەنی ئەوروپی بۆ فەتواو توێژینەوە لە هەوڵی ئەوەدان كە هەموو ئەو رۆژ ژمێرانە كۆبكەنەوە لەیەك رۆژمێردا پاشان بەڕای كۆی بەشداربوان رێككەوتن لەسەر ئەوەی لیژنەیەك پێكبهێنن بۆ كۆكردنەوەی هەموو رۆژمێرەكان و بۆ لێكۆڵینەوەو چاودێری كردنی مەسەلەی ئاسۆیسور و سپی و حاڵەتەكانی رۆژئاوابوون و رۆژهەڵاتن و هەموو ئەوەی كە پەیوەندی بەم بوارانەوە هەیە، پاشان كۆڕبەندی سێهەم ببەسترێت بۆ لێكۆڵینەوەو بەستنی كۆنگرەیەكی جیهانی بۆ كاتەكان لە ئەوروپا بۆئەوەی بگەنە دانانی رۆژمێرێك كە رای هەموو زانایان و توێژەرانی بەشداربووی لە سەربێت.