بەیانێك دەربارەی لابردنی ناوی دكتۆر یوسف قەرزاوی لەلیستی داواكراوانی ئینتەرپۆڵدا :

بەیانێك دەربارەی لابردنی ناوی دكتۆر یوسف قەرزاوی لەلیستی داواكراوانی ئینتەرپۆڵدا :

الحمد لله، والصلاە والسلام علی رسول الله، وعلی ا‌له وصحبه ومن والاه، وبعد ..

زانایانی ئیسلام و دۆستانی دكتۆر یوسف قەرزاوی و قوتابیەكان و هەموو مرۆڤ دۆستانی جیهان زۆر دڵخۆش بوون بە بیستنی ئەو هەواڵەی كەناوی دكتۆر قەرزاوی لەلیستی داواكراوانی ئینتەرپۆڵی نێودەوڵەتی لابراوە و سڕاوەتەوە،

ئەمەش بەڵگەیەكی ترە بۆ ئەوەی كە دادگای میسری لەسەر ئەو تۆمەتەی كەبۆیان دروست كرد دادگایەكە دوورە لەبێلایەنی و شەفافیەت و راستگۆی.

ئەمە هەنگاوێكی ئیجابیە كەسەرەتا پێویستە سوپاسی خوای لەسەر بكرێت و گەڕانەوەی راستیە بۆ شوێنی خۆی، سوپاس بۆ خوای گەورە لەم هەنگاوەشدا سەركەوتوو بوین كەراستگۆیی خۆمان سەلماند و ئەم هەنگاوەش زیاتر راستگۆییەكەی دەرخست و ئەوەی سەلماند كەلەسەر ئاستێكی جیهانی  كە پشتیوانیەكی گەورە بۆ دكتۆر یوسف قەرزاوی هەیەو ئەوەیان سەلماند كاتێك كەبەدادپەروەرانە مامەڵە لەگەڵ ئەم كێشەیەدا كرا بۆ هەموو جیهانیان بێتاوانی و راستگۆی دكتۆر قەرزاوی دەركەوت.

ئێمە لەلای خۆمانەوە رێزو سوپاسمان هەیە بۆ ئەو لیژنە بەرپرسیارەی كەلەئینتەرپوڵ ئەم هەنگاوەی ناوە، كەلەراستیدا پێویستیەكی یاسایی و ژیر بێژی و بنەماكانی نێودەوڵەتیە، هەر لێرەشەوە داوا دەكەین ناوی سەدان كەسایەتی بەڕێزی تر دەربهێندرێن كەبەهۆی دەسەڵاتە ستەمارەكانی  وڵاتەكانیانەوە توشی شێواندن و لەكەدار كردن و دەركردن و ئەشكەنجەو ئازار بونەوە.

ئێمە لێرەوە بەمافی یاسایی دكتۆر قەرزاوی دەبینین كە پەنا بۆ یاسا ببات بەهۆی ئەو زیانە ماددی و مەعنەویانەی كە لێی كەوتوە، بەهۆی بڕیاری دادگایەكی بەسیاسی كراوەوە كەخاوەنی كەمترین پلە نیە لەرووی راستگۆیی و دادپەروەری و سەربەخۆییەوە.

ئێمە ئەو راستیە دەزانین كە جەماوەری ئوممەتی ئیسلامی ئاگادارەو هۆشیارە بەوەی كە دكتۆر قەرزاوی هەوڵ و تێكۆشانێكی زۆری داوە بۆ خزمەت كردنی ئیسلام و سەرخستنی ستەم لێكراوان و بانگەشەی بۆ ئیسلامێكی لێبوردە و میانڕەو و ئاسان و بەرەو رووبونەوەی ستەمكاری و تیرۆرو توندڕەوی {قُلْ بِفَضلِ اللَّهِ ۆبِرَحْمَتِهِ فَبِذلِكَ فَلْێفْرَحُوا هُۆ خَیْرٌ مِمَّا ێجْمَعُونَ} [یونس:58].

لەلایەكی تریشەوە دەمانەوێت ئەو راستیە بڵێین كەلەكاتی دەرچونی ئەم بڕیارەدا دادگای میسری هەستاوە بەدەركردنی بڕیارێكی ستەمكارانە بەرامبەر بەقەرزاوی و سەدان كەسایەتی تری ناوداری بەڕێزی میسر، ئەویش بەدەست بەسەرداگرتنی هەموو ماڵ و سەروەت و سامانیان بەبێ ئەوەی ئەم هەنگاوە هیچ پشتیوانیەكی یاسای هەبێت.

لەلایەكی تریشەوە كچەكەی (علا قرزاوی) و مێرەدەكەی (حسان خلف) هەتا ئێستاش لەزیندانی تاكە كەسیدا ماونەوەو دادگایی نەكراون  و كەسیش بۆی نیە سەردانیان بكات.

نوسینگەی بەڕێز دكتۆر یوسق قەرزاوی

سەرۆكی پێشووی یەكێتی جیهانی زانایانی مسوڵمان

17-12-2018