دكتۆر عەلی قەرەداغی بەشداری دەكات لەكۆنگرەی جیهانی بۆ بەشداری بەپرسیارێتی كۆمەڵایەتی لەدامەزراوە دارایی و بانكە ئیسلامیەكاندا :

دكتۆر عەلی قەرەداغی بەشداری دەكات لەكۆنگرەی جیهانی بۆ بەشداری بەپرسیارێتی كۆمەڵایەتی لەدامەزراوە دارایی و بانكە ئیسلامیەكاندا :

دكتۆر عەلی قەرەداغی ئەمینداری گشتی یەكێتی جیهانی زانایانی موسڵمان پسپۆری بانكی ئیسلامی و سەرۆك و ئەندامی كۆمەڵێك لە دەستەی جاودێری شەرعی لەدامەزراوە دارایی و بانكە ئیسلامیەكاندا بەشداری كرد لەكۆنگرەی جیهانی بۆ بەشداری بەپرسیارێتی كۆمەڵایەتی لەدامەزراوە دارایی و بانكە ئیسلامیەكاندا ،كە لە دەوحەی پایتەختی قەتەر بەسترا بەسەرپەرشتی شێخ عبدالله بن سعود پارێزگاری بانكی ناوەندی قەتەری.
دكتۆر قەرەداغی توێژینەوەیەكی بۆ ئەم مەبەستە پێشكەش كرد بەناونیشانی (دەستبەركردنی لەخۆ گرتن و رۆڵی لەبەرپرسیارێتی كۆمەڵایەتیدا،) قەرەداغی بەو شێوەیە پێناسەی بەرپرسیارێتی كۆمەڵایەتی كرد كەبریتیە لە پابەند بونی ئەخلاقیانەی دامەزراوەكان بەرامبەر بە كۆمەڵگە بەشێوەیەك كە كاریگەر بێت لەسەر پاراستنی كۆمەڵگەو گەشەپێدان و دروست كردنی هاوسەنگی لەنێوان پێدوایستیەكانی ژینگەو شتەكانی تر لەئابوری بۆ ئەوەی كۆمەڵگە بگاتە ئاستی گەشەپێدانی بەردەوام. ئەمەش سێ جۆر بەرپرسیارێتی كۆمەڵایەتی دەگرێتەوە كە شوێنكارەكانی لەسەر كاری خودی كۆمپانیا یان دامەزراوەكە دەردەكەوێت ،كە دامەزراندنی دەستی كارو پابەند بوون بەیاساو پەیمان و رێككەوتن و شتەكانی تر لەخۆ دەگرێت، جۆری دووەم لەبەرپرسیارێتی كۆمەڵایەتی ئەوەیە كە كۆمپانیاكە یان دامەزراوەكە پابەند بێت بەبەخشین یان هاوكاری لەپێناو گەشەپێدانی كۆمەڵگە، ئەمەش یان بۆ ئەو هاڵاتیانە بێت كە ئاستی گوزەرانیان نزمە یان بۆ پرۆژە كۆمەڵایەتیەكانی وەك چاودێری خوێندن و گرنگیدان بەقوتابیانی سەركەوتوو پرۆژەی هاوشێوەی ئەمە بن، هەروەها هاوكاری لەپێناو زاڵ بوون بەسەر كێشەی هەژاری و بێكاری و گرفتە كۆمەڵایەتیەكاندا بێت ، جۆری سێیەم بریتیە لەچارەسەری ئەو شوێنكارە سلبیانەی كە بەهۆی كارەوە دروست دەبێت بۆ مافی بەرامبەرەكان چونكە ناكرێت كۆمپانیا ئەم لایەنە پشت گوێ بخات .
هەروەها لەدرێژەی توێژینەوەكەیدا باسی لەبواری دڵنیایی كرد كەلەسەر بنەمای بیرۆكەی بەرپرسیارێتی كۆمەڵایەتی دروست بوە، بۆ ئەم مەبەستەش پێویستە سندوقێك دابندرێت كەلەرێگەی بەخشینی ئەندامانەوە بەكار بهێندرێت بۆ گەشەپێدانی كۆمەڵگە.

لەبەشێكی تری توێژینەوەكەیدا باسی لەوە كرد كە ئیسلام ئاینی بنیاتنانە لەسەر بنەمای عەقیدەو ئەخلاق لەبەر ئەوە مرۆڤی مسوڵمان پێویستە بزانێت كە چ ئەركێكی لەسەر شانە پێش ئەوەی داوای مافەكانی بكات ، هەروەها جەختی لەسەر ئەوەش كردەوە كە ئاوەدانكردنەوەی گەردون ئەركی سەرشانی هەموانە وەك دەفەرموێت ( هُؤ أَنشَأَكُم مِّنَ الْأَرْضِ ؤاسْتَعْمَرَكُمْ فِيهَا) هو د: 61) واتە پێویستە لەسەرتان كە ئاوەدان كردنەوە لەرووی ماددی و مەعنەویەوە ئەنجام بدەن، چونكە ئیسلام پەیامی سۆزە بۆ هەموان و بەپلە بەندی سەرەتا لەبەرپرسیارێتی تاكەوە پاشان بۆ خێزان و خێڵ دەست پێ دەكات و لەسەر رای ئیمام ابو حنیفە ئەو بیرۆكە شارشتانیەی گەشەپێدا كەوتی: پێویستە كۆمەڵگەی ئیسلامی لەكۆمەڵگەیەكی دەوار نشینەوە ببێت بە كۆمەڵگەیەكی شارستانی وەلەخێڵەوە بگۆڕێت بۆ دامەزراوە، كۆمەڵگەی ئیسلامیش گەشە بكات وەك كۆمەڵگەیەكی مرۆیی ،بەبۆچونی ئەوەی كەخوا زەوی بۆ هەموو مرۆڤایەتی دروست كردوە نەك تەنها بۆ مسوڵمانان وەك خوای گەورە دەفەرموێت (ؤالْأَرْضَ ؤضَعَهَا لِلْأَنَامِ ) الرحمن : 10) واتە خوای گەورە زەوی بۆ هەموو زیندەوەران دروست كردوە .
پاشان وتی هەموو مرۆڤێك مافی ئەوەی هەیە لەسەر بەرامبەرەكەی كەژیان و ئازادی و كەرامەتی بپارێزێت ئەمەش فەلسەفەی ئیسلامە بۆ مامەڵە كردن لەگەڵ مافەكانی تاك و كۆمەڵگە، واتە ئیسلام ئامانجی بنیاتنانی كۆمەڵگەیەكی مرۆیی هەیەو مسوڵمانی راستەقینەش كاتێك هەست بەخۆشی دەكات كە كۆمەڵگەی گەورەی مرۆیی رزگاری ببێت لەهەژاری و برسێتی و چەوسانەوەو ستەمكاری.
لەكۆتایدا كۆمەڵێك پێشنیاری ئاراستەی ئامادەبوان كرد لەوانەش دامەزراندنی بەڕێوەبەرایەتیەكی تایبەت بەبەرپرسیارێتی كۆمەڵایەتی و دامەزراندنی سندوقێكی هاوبەش لەپێناو جێبەجێ كردنی داواكانی ئەو بەرپرسیارێتیەدا لەسەر ئاستی دەوڵەت ، هەروەها دیاری كردنی خەڵات و مەدالیای ئاڵتوتی بۆ ئەو كەسانەی كەرۆڵی باڵایان دەبێت لەم بوارەداو هەروەها بەكلتور كردنی ئەم بەرپرسیارێتیە كۆمەڵایەتیە لەرێگەی سیستمی پەروەدەو فێركردنەوە