دكتۆر عەلی قەرەداغی زۆر بە توندی ئیدانەی ئەو هێرشانە دەكات كە دەكرێنە سەر مسوڵمانان لە سریلانكا
Image processed by CodeCarvings Piczard ### FREE Community Edition ### on 2018-03-08 16:37:00Z | | [^

دكتۆر عەلی قەرەداغی زۆر بە توندی ئیدانەی ئەو هێرشانە دەكات كە دەكرێنە سەر مسوڵمانان لە سریلانكا

دكتۆر عەلی قەرەداغی زۆر بە توندی ئیدانەی ئەو هێرشانە دەكات كە دەكرێنە سەر مسوڵمانانی سریلانكا و داوا لە حكومەت دەكات كە پارێزگاریان  لێ‌ بكات و رێو شوێنی تایبەت بگرێتە بەر بۆ وەستاندنی ئەم كارە تاوانكاریانە كە زیان بە مسوڵمانان و بوزیەكان دەگەیەنێت و دەبێتە مایەی ئاڵۆزیەكی خراپ بۆ هەموو كۆمەڵگا.

دكتۆر عەلی قەرەداغی ئیدانەی ئەو هێرشانەی دەكات كە دەكرێتە سەر مسوڵمانان لە پارێزگای كاندی لە ناوەڕاستی سریلانكا كە بوەتە هۆی كوشتنی ژنان و منداڵان و پیرەپیاوان و خەڵكانی مەدەنی بە شێوەیەكی گشتی هەروەها بۆتەهۆی وێرانكردن و سوتاندن و لەناوبردنی ماڵا و مزگەوت و بازاڕ و هەموو ئەو شوێنانەی كە تایبەتە بە مسوڵمانان بەم هۆیەشەوە حكومەت باری نائاسایی لەوناوچانەدا راگەیاندووە.

هەروەها دكتۆر عەلی قەرەداغی بەناوی یەكێتی جیهانی زانایانی مسوڵمانەوە داوا دەكات، كە پارێزگاری لە گیان و ماڵا و سامان و شوێنی خواپەرستی مسوڵمانان بكرێت و هەموو ئەو دەستدرێژیانە كۆتایی پێ‌ بهێنرێت كە دەكرێتە سەریان و حكومەت هەموو رێ و شوێنێكی پێویست بگرێتەبەر بۆ وەستاندنی ئەم كارە تاوانكاریانە كە زیانی گەورەی هەیە بۆ مسوڵمانان و بوزیەكان و دەبێتە مایەی نانەوەی ئاژاوەیەكی گەورە بۆ هەموو لایەك.

دكتۆر قەرەداغی ئەم كارانەی بە تاوانكاری و تیرۆریزمی لە قەڵەمدا ئەنجامدەرانی هەركەسێك بن، هەروەها ئیدانەی ئەوەشی كرد كە كەسانی بێ‌ تاوان و مەدەنی شوێنە گشتیەكان و شوێنی خواپەرستی بكرێنە ئامانج و داوایكرد كە پارێزگاری لە خەڵك و ماڵا و سامان و ئازادیەكانیان بكرێت و رشتنی خوێنی هەر مرۆڤێكی بە حەرام لە قەڵەم داو بەپێویستی زانی كە ئاسایش و گیانی هەموو كەسێك پارێزراو بێت و بە هیچ جۆرێك هیچ كەسێك بۆی نەبێت هێرش بكاتە سەری و سوكایەتی پێ‌ بكات یان خوێنی بڕێژێت، ئەمەش لەلایەن ئاینە ئاسمانیەكان و یاسا نێودەوڵەتیەكانەوە دانی پێدا نراوە، خوای گەورەش بۆ رێگرتن لە رشتنی خوێنی بەناحەق دەفەرموێت [أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا ؤمَنْ أَحْيَاهَا فَكَأَنَّمَا أَحْيَا النَّاسَ جَمِيعًا].