یەكێتی جیهانی زانایانی مسوڵمان فەتوای واجب بوونی پشتیوانی لە مسوڵمانانی رۆهینجا دەدات.

یەكێتی جیهانی زانایانی مسوڵمان فەتوای واجب بوونی پشتیوانی لە مسوڵمانانی رۆهینجا دەدات.

یەكێتی جیهانی زانایانی مسوڵمان فەتوای داوە بە پشتیوانی كردنی مسوڵمانانی بۆرما بە هەر شێوەیەك كە لە توانادا هەبێت، سیاسیەكان و دەسەڵاتداران، ئەوانەی كە توانای ئابوری و دەسەڵاتیان هەیە پێویستە پەیوەندیان لەگەڵدا بپچڕێنن، میدیاكاران و زانایان دەبێت ڕۆڵی خۆیان هەبێت، رێكخراوە فریاگوزاری و خێرخوازیەكان دەبێت هەوڵبدەن هاوكاری بە پەلەیان بگەیەننێ، دكتۆر عەلی قەرەداغی ئەمینداری گشتی یەكێتی جیهانی زانایانی مسوڵمان داوای لە هەموو مرۆڤدۆستانی سەر زەوی كرد كە ڕۆڵی خۆیان بگێرن لە پێناو رزگاركردنی رۆهنجیەكاندا، لە هەمان كاتدا دكتۆر قەرەداغی جەختی لەوەش كردەوە كە ئەم روداوە سەرشۆڕیە بۆ هەموو كۆمەڵگەی نیودەوڵەتی بە ڕێكخراوو حكومەت و هەموو دامەزراوەكانی، چونكە بە بەرچاویانەوە گەلێك جینۆساید دەكرێت بەڵام كەس دەنگیی لێنایەت.
قەرەداغی ووتی رۆهنجیەكان تەنها تاوانیان ئەوەیە كە مسوڵمانن بوزیە رەگەزپەرستەكانیش تەنها بەو بیانوەوە دەەیانكوژن و لە ناویان دەبەن بەڵام كەسیش پێیان ناڵێت توندڕەوو تیرۆریست، لە كۆتایدا قەرەداغی دەڵێت ئەوانە خوشك و برای ئێمەن پشتیوانیكردنیان واجبەو بێدەنگی تاوانباریە لای خواو خەڵك، كەواتە دەبێت بە ماددی و مەعنەوی لەگەڵیاندابین و پشتیان بگرین خوای گەورەش پشتیوانی ستەملێكراوانەو سەرخەری راستگۆیان و باوەڕدارانە (انه نعم المولی ونعم النصیر)