پەیامی دكتۆر عەلی قەرەداغی بەبۆنەی جەژنی قوربانی پیرۆزەوە :

پەیامی دكتۆر عەلی قەرەداغی بەبۆنەی جەژنی قوربانی پیرۆزەوە :

)ؤمَن يُعَظِّمْ شَعَائِرَ اللَّهِ فَإِنَّهَا مِن تَقْؤي الْقُلُوبِ (
بەبۆنەی جەژنی قوربانی پیرۆزەوە، پیرۆزبایی لە گشت مسوڵمانانی جیهانی و بەتایبەتیش مسوڵمانانی كوردستان دەكەم هیوادارم ئەم جەژنە ببێتە جەژنی رزگاربوون لە تاوان و گەشەپێدانی رۆح و زیاتر نزیك بوونەوەی باوەڕداران لە خوای گەورە، لەلایەكی تریشەوە ببێتە مایەی بەرجەستەكردنی جەوهەری ئیسلام لە ناو كۆمەڵگەدا كە بریتیە لە چەسپاندنی عەدالەت و ئازادی و رێزگرتن لە كەرامەت و مافەكانی مرۆڤ و بەهرەمەندبوونی هەموو لایەك لەو نیعمەتانەی كە خوای گەورە لەسەر زەوی كوردستاندا پێی بەخشیوین.
ئیسلام بریتیە لە ئەخلاقی بەرز و چەسپاندنی ئەو ئەخلاقە لەنێو كۆمەڵگەدا، قوربانیدانە بە بەرژەوەندیەكانی تاك لەپێناو بەرژەوەندی گشتی دا، خزمەتكردنی خەڵكە لە پێناو چاكەكاری و بنیاتنانی كۆمەڵگەیەكی چاكەخواز و خۆشگوزەران و پێشكەوتوودا .بەو هیوایەی بەرپرسانیش بەم رۆحیەتەوە مامەڵە بكەن و هەست بە ئازار و نەهامەتیەكانی هاوڵاتیان بكەن و نیعمەتێك كە خوا لەم سەر زەوی كوردستانەدا بۆی ناردوون بە عەدالەت مامەڵەی لەگەڵدا بكەن و لە دنیا و دواڕۆژدا بەرپرسارێتی خۆیان بە باشی جێبەجێ‌ بكەن و بەهەشتی دنیاو قیامەت بۆخۆیان و گەلەكەیان مسۆگەر بكەن.
هەرشاد و بەختەوەربن هەموو رۆژێكتان هەر جەژن بێت
د. عەلی محی الدین قەرەداغی
ئەمینداری گشتی یەكێتی جیهانی زانایانی مسوڵمان
سەرۆكی رابیتەی ئیسلامی كورد
30-8-2017