دكتۆر قەرەداغی لە شاری هانۆڤەری ئەڵمانیا باس لەكاری ئیجابی دەكات لە ڕۆژئاوادا .

دكتۆر قەرەداغی لە شاری هانۆڤەری ئەڵمانیا باس لەكاری ئیجابی دەكات لە ڕۆژئاوادا .

لە درێژەی چالاكیە بانكخوازیەكانی دكتۆر عەلی قەرەداغی ئەمینداری گشتی یەكێتی جیهانی زانایانی مسوڵمان، لەهەندێك ووڵاتی ئەوروپی ، لە سەردانێكیدا بۆ شاری هانۆڤەری ئەڵمانیا پاش دیدار لەگەڵ جالیەی مسوڵمانی شارەكەدا بە ئامادەبوونی ژمارەیەكی زۆر لە مسوڵمانانی شارەكە بەهەموو چین و توێژەكانەوە بابەتێكی پێشكەش كرد بەناوی (كاری باش لە ووڵاتانی ڕۆژئاوادا) لەم بابەتەدا باسی لەكاری چاك و باش و بەرهەم هێن كرد، لە درێژەی ووتارەكەدا دكتۆر قەرەداغی جەختی لەسەر ئەوە كردەوە كە دەبێت مرۆڤی مسوڵمان مرۆڤێكی ئیجابی بێت و بتوانێت خزمەت بە ئەو ووڵاتە بكات كە تیایدا دەژی و نمونەی هاوڵاتیەكی دڵسۆزو خەم خۆر و مرۆڤ دۆست بێت و لەهەمانكاتدا شوناسی و كەسایەتی خۆی لەسەر بنەمای پەرەوەردەیەكی ئیسلامی ڕاست بنیات بنێت بە مەنهەجی میانڕەوی، واتە پێویستە ببینە هاوڵاتیەكی ئیجابی و پەیوەندیەكی باش و مرۆڤ دۆستانە لەگەڵ نامسوڵمانەكان دروست بكەن و بەكردار ئەوە بسەلمێنن كە ئیسلام ئاینی سۆزو بەزەیی و پێكەوە ژیانە نەك تیرۆرو توندڕەوی .