ڕێزلێنانی قەرەداغی لەلایەن سەنتەری دۆحەی نێودەوڵەتی بۆ گفتوگۆی ئاینەكان :

ڕێزلێنانی قەرەداغی لەلایەن سەنتەری دۆحەی نێودەوڵەتی بۆ گفتوگۆی ئاینەكان :

دكتۆر ئیبراهیم صالح بەڕێوبەری سەنتەری دۆحەی نێودەوڵەتی خەڵاتێكی ڕێزلێنانی بەخشیە دكتۆر عەلی قەرەداغی ئەمینداری گشتی یەكێتی جیهانی زانایانی مسوڵمان، ئەمەش وەك ڕێزلێنانێك بۆ هاوكاری چالاكیەكانی سەنتەرەكە، سەنتەری دۆحەی نێودەوڵەتی بۆ گفتوگۆی ئاینەكان دادەنرێت بە دامەزراوەیەكی پێشەنگ لەقەتەردا كە تایبەتە بە گۆفتوگۆی نێوان ئاینەكان و كلتورە جیاوازەكان و بنیاتنانی تواناكان لە بواری گفتوگۆو كولتوری ئاشتی .

ئەم سەنتەرە لە ساڵی 2007 بنیات نراوە، پێك دێت لە ئەنجومەنێكی كارگێڕی، هەروەها ئەنجومەنێكی ڕاوێژكاری جیهانی كە لە زانایانی ئاینی هەرسێ ئاینە ئاسمانیە گەورەكە پێك دێت، ئەمانە پلان دادەڕێژن و پەیوەندی دەكەن لەگەڵ دامەزراوە جیهانیەكان بۆ گفتوگۆو پەیڤین، ئامانجی ئەم سەنتەرە بەهێزكردنی پردی پەیوەندیە لە نێوان ئاین و كلتورە جیاوازەكان، بۆ ئەوەی بە ئاشتی بەیەكەوە بژین و بەها ئاینیەكان بەگەڕ بخەن بۆ چارەسەری كێشە هاوچەرخەكان كە ئێستا لەسەر ئاستێكی جیهانی لە زیاد بووندایە .