دكتۆر عەلی قەرەداغی پێشوازی لە شاندێكی توركیا دەكات بۆ كاری هاوبەش :

دكتۆر عەلی قەرەداغی پێشوازی لە شاندێكی توركیا دەكات بۆ كاری هاوبەش :

دكتۆر عەلی قەرەداغی ئەمینداری گشتی یەكێتی جیهانی زانایانی مسوڵمان لەبارەگای سەرەكی ڕێكخراوەكە لە دۆحەی پایتەختی قەتەر پێشوازی كرد لە شاندێكی كۆڕبەندی جیهانی ئیسلامی و سەنتەری توركی – ئاسیایی بۆ لێكۆڵینەوەی ستراتیجی، شاندەكە بە سەرپەرشتی (سلێمان شان سوی) سەرۆكی كۆڕبەندەكەو بە هاوڕێیەتی ژمارەیەك لە ڕاوێژكارو ئەندامانی بوو، هەردولا باسیان لە گرنگترین كێشەكانی گەلانی مسوڵمان و چۆنیەتی مامەڵە لەگەڵ ئەم كێشانەدا كرد، لە گفتوگۆكاندا باسیان لە گرنگترین ئەو پرۆژانە كرد كە ئێستا لە بەردەستیاندایە، گرنگترینیان كۆنگرەی باڵای گەنجانی جیهانی ئیسلامی كە لە مانگی نیسانی داهاتوودا لە سۆدان دەبەسترێت، بە ئامانجی سود وەرگرتن لە تواناكانی گەنجان و دانانی پلانی ئایندە بۆیان بەمەبەستی خزمەتكردن بە ئوممەتی ئیسلامی، ئەویش لە ڕێگەی هاوكاری و هەماهەنگی لە نێوان كۆمەڵەو ڕێكخراوەكان لەم بوارەدا دەبێت، هەروەها كۆنگرەی باڵای هەشتەم لە كۆڕبەندی جیهانی ئیسلامی و كۆرنگرەی باڵای جیهانی ئافرەتانی مسوڵمان ئەو دوو پڕۆژەیەی كە لە ئایندەیەكی نزیكدا لە ئەستەنبوڵ ساز دەكرێن .

لەلایەن خۆیەوە دكتۆر عەلی قەرەداغی باسی لە كۆنگرەی باڵای جیهانی ژنان كرد كە ساڵی پار لە ئەستەنبوڵ بەسترا بەبەشداری زیاتر لە 50 ڕێكخراوو كۆمەڵە كە گرنگی بە ئافرتان و خێزان دەدا چەندان بابەت و توێژینەوەی تێدا پێشكەش كرا، لە ئەنجامی ئەمەش میساقی جیهانی ئافرەتانی مسوڵمان گەڵاڵە كرا، هەروەها یەكێتی جیهانی زانایانی مسوڵمان یەكەمین ڕێكخراوبوو كە بەیاننامەی لە دژی كودەتاچیەكانی توركیا دەركرد و پشتیوانی لە سەرۆكی توركیا لەگەڵ گەلی توركیادا كرد، لە كۆتایشدا هاوكاری و پشتیوانی دەربڕی بۆ پڕۆژەكانیان كە بەهاوكاری ئەنجامی بدەن .